Қорақалпоғистон билан Хоразмни боғловчи янги кўприк вақтинча ёпилади

Қипчоқ – Блок пост станциялари оралиғидаги темир йўлда қўшимча ишлар олиб борилиши сабаб кўприк 2 кунга ёпилмоқда.

«Ўзбекистон темир йўллари» АЖ хабарига кўра, Амударё вилоятининг Қипчоқ – Блок пост станциялари оралиғидаги темир йўл кесишмасини жиҳозлаш бўйича қўшимча ишлар олиб борилиши муносабати билан 2024 йил 7 май куни соат 14:00 дан 9 май соат 14:00 гача автотранспорт воситалари ҳаракати қўшма кўприкда вақтинча тўхтатилади.

Ушбу давр мобайнида автотранспорт воситалари ҳаракати «Қипчоқ понтон кўприги» орқали амалга оширилади.