Тошкентда икки кўча вақтинча ёпилади

Таъмирлаш ишлари олиб бориладиган икки кўчада ҳаракат соат 22:00 дан 06:00 гача тўхтатилади.

Пойтахт ҳокимлигининг хабар беришича, кенг кўламли таъмирлаш ва реконструкция ишлари доирасида Тошкент шаҳридаги иккита кўча вақтинча ёпилади.

20 май соат 22:00 дан 21 май 06:00 гача, 21 май соат 22:00 дан 22 май 06:00 га қадар қуйидаги йўллар ёпилади:

— Қорасарой ва Нурафшон кўчалари кесишмасидан Абдулла Қодирий кўчаси билан кесишмасигача;

— Кичик ҳалқа автомобиль йўли Нурафшон кўчаси билан кесишмасидан Қорасарой кўчаси билан кесишмасигача.