[ madaniyat ] 25 May 2024
Навоийда дарс пайтида чўмилишга борган ўқувчи чўкиб кетди
Аввалроқ, ижтимоий тармоқда Навоий вилоятида мактаб ўқувчилар дарс вақтида чўмилишга бориб, улардан бири калтаклангани ва сувга отиб юборилгани ҳақида хабарлар тарқалди. Ҳолат юзасидан вилоят Мактабгача ва мактаб таълими бошқармаси маълумот берди.
Маълум қилинишича, Кармана туманидаги 30-мактабнинг 6-синф ўқувчилари чўмилишга боришган.
Чўмилиш вақтида ўқувчилардан бири сувда оқиб кетиб, вафот этган. Ушбу ҳолат юзасидан ҳуқуқни муҳофаза қилувчи органлар томонидан суриштирув ишлари олиб борилмоқда.