Россия Ўзбекистонда кам қувватли атом электр станциясини қуриши мумкин

Ҳужжат Ўзбекистон ҳудудида кам қувватли атом электр станцияларини қуришни назарда тутади.

Россия Ўзбекистонда қуввати 55 МВт бўлган 6 тагача энергоблокни ўз ичига олувчи кам қувватли атом электр станцияларини қуриши мумкин. Бу ҳақда Россия ҳукумати порталида тегишли ҳужжат қабул қилинган.

Баённома лойиҳасига кўра, томонлар Ўзбекистонда ҳар бири 1,2 GW қувватли иккита энергоблокка эга йирик АЭСни қуриш билан бирга, Россия лойиҳаси асосидаги ҳар бирининг қуввати 55 MWгача бўлган 6 та энергетика реакторидан иборат АЭС қурилиши бўйича ҳамкорлик қилиши мўлжалланган.

Эслатиб ўтамиз, “Ўзбекистон Республикаси ҳудудида атом электр станциясини қуриш бўйича ҳамкорлик тўғрисида”ги келишувга мувофиқ томонлар қурилиш соҳасида ҳамкорликни амалга оширмоқда.

Аввалроқ, Россия саноат ва савдо вазирлиги раҳбари Денис Мантуров “Росатом” давлат корпорацияси Ўзбекистонга кам қувватли атом электр станциялари лойиҳаларини таклиф қилишга тайёрлигини билдирганди.