[ madaniyat ] 8 Iyun 2024
“Uzbekistan Airways” бепул олиб ўтиладиган қўл юки оғирлигини оширди
«Uzbekistan Airways Express» авиақатновлари учун бепул қўл юкини ташиш меъёрини оширди. «Uzbekistan Airways» хабар берди.
Энди олдинги 5 кг ўрнига 8 кг қўл юки билан саёҳат қилиш мумкин.
Ушбу авиақатновларда багажни ташиш шартлари ўзгармаган ва багажни ташиш ҳуқуқига эга тарифлар бўйича авиачипта харид қилган йўловчилар учун 1 та жойга рухсат берилади:
- Катталар ва 2 ёшдан катта бўлган болалар учун – 23 кг дан ошмаслиги керак (158 см);
- 2 ёшгача бўлган болалар учун – 5 кг дан ошмаслиги керак (115 см).