«Қурбон ҳайити»да Тошкент метроси соат 03:00 дан 10:00 га бепул хизмат кўрсатади
2024 йил 16 июн — Қурбон Ҳайити байрами куни йўловчиларга қулайлик яратиш мақсадида, Тошкент метрополитени одатдагидан икки соат олдин, яъни, тонги соат 03:00 дан иш фаолиятини бошлайди. Бу ҳақида «Тошкент метрополитени» хабар берди.
Бундан ташқари, Қурбон Ҳайити байрами кунида барча йўловчилар учун Тошкент метрополитени соат 03:00 дан 10:00 га қадар йўловчиларга бепул хизмат кўрсатади.
Шунингдек, метро йўловчиларига байрам муносабати билан белгиланган бошқа дам олиш кунларида эса якшанба куни учун тасдиқланган жадвал асосида соат 05:00 дан хизмат кўрсатилади.