Бугундан бошлаб 1-синфга қабул учун онлайн ариза топшириш мумкин
1-синфга Онлайн-қабул электрон тизими 20 июнь куни, соат 12:00 да ишга туширилади. Бу ҳақда Мактабгача ва мактаб таълими вазирлиги хабар берди.
Қайд этилишича, эндиликда ота-оналар фарзандларини 2024/2025-ўқув йилида 1-синфга жойлаштириш учун my.maktab.uz электрон платформасидан фойдаланиши мумкин. Бунда улар платформада рўйхатдан ўтади ва ариза топширади.
«Бу йил 1-синфга қабул жараёнлари 2 босқичда амалга оширилади. Шундан биринчи босқич 20 июндан 31 июлгача бўлган оралиқда микроҳудуд доирасида ўтказилади», дейилади хабарда.