Қамчиқ довонида юк машинаси ёниб кетди
30 июнь куни соат 00:45 да Қамчиқ довонидан ўтувчи А — 373 автомобиль йўлининг 268-километрида юк машинасида ёнғин содир бўлди. Бу ҳақда ”Қамчиқавтойўл” унитар корхонаси матбуот хизмати хабар берди.
Қайд этилишича, водийдан Тошкентга томон ҳаракатланган Iveco юк машинаси ҳайдовчиси бошқарувни йўқотган, сўнгра ЙПХ масканидаги бетон тўсиққа урилган ва ёниб кетган.
Ҳодиса оқибатида тан жароҳати олганлар йўқ. Автотранспорт воситалари икки томонлама хавфсиз ҳаракатланмоқда, дейилади хабарда.