Тошкентда учта машина иштирокидаги ЙТҲда уч киши жароҳатланди
Сергели туманида содир бўлган йўл транспорт ҳодисасида уч киши жароҳатланди. Бу ҳақда пойтахт ИИБ ЙҲХБ хабар қилди.
Маълум бўлишича, бугун, 9 июль куни соат 19:40 ларда Сергели тумани Қипчоқ кўчасида 3 та автомашина 2 та Спарк ва 1 та Ҳонда русумли автомашиналари иштирокида йўл транспорт ҳодисаси содир бўлган.
Ҳозирда ЙТҲ оқибатида 3 нафар фуқароларга тез тиббий ёрдам ходимлари томонидан биринчи ёрдам кўрсатилмоқда. Ҳолат бўйича қўшимча маълумот берилади.
Мазкур ҳолат юзасидан Тошкент шаҳар ИИББ ЙҲХБ ходимлари томонидан суриштирув ишлари олиб борилмоқда.