Олимпия шаҳарчаси расман очилди

Париждаги Олимпия шаҳарчаси расман очилди ва илк ташриф буюрувчиларни кутиб олди, дея хабар бермоқда bein Sports.

2024 йилги Олимпия ўйинларининг очилиш маросимидан саккиз кун олдин шаҳарчага биринчи спортчилар — Австралия ва Бразилия терма жамоалари етиб келишди.

У ерда Олимпия ўйинлари вақтида 14 мингдан ортиқ, Паралимпия ўйинлари вақтида эса 8 мингдан ортиқ спортчи истиқомат қилиши кутилмоқда.

Париждаги Олимпиада 26 июлдан 11 августгача, Паралимпия ўйинлари 28 августдан 8 сентябргача бўлиб ўтади.