Олимпиадада нафақат спортчилар, балки айрим рус журналистларига ҳам тақиқ бор

Франция ички ишлар вазири Жеральд Дарманен Le Journal du Dimanche газетасига берган интервьюсида мамлакат жосуслик ва кибер ҳужумлар хавфи туфайли Россиядан келган айрим журналистларнинг Париж Олимпиадасини ёритиш бўйича сўровларини рад этганини айтди.

Умуман олганда, ҳуқуқни муҳофаза қилиш идоралари, унинг сўзларига кўра, Олимпия ўйинларида ишлашга рухсат бериш учун 960 мингта ҳужжатлар жамланмасини текширган.

4,3 минг киши, жумладан, кўнгиллилар, стадион ишчилари ва спорт делегациялари аъзолари махсус рўйхатга қабул қилинмади.

“Россия, Белоруссия ва бошқа мамлакатлардан” юзга яқин киши, жумладан журналистлар, техник ходимлар жосуслик гумонлари туфайли рад этилди.

“Биз Ўйинларни ёритиб борамиз, деган кўплаб “журналистлар”ни рад этдик. Бошқа томондан, биз Халқаро Олимпия қўмитасида (ХОҚ) ишлайдиган россияликларнинг бўлишига рухсат бердик. Биз эҳтиёткорлик тамойилидан келиб чиқамиз”, — дея тушунтирди Дарманен.