Қозоғистон Олимпиадада бир қатор маҳаллийлаштирилган спортчилар билан ҳаракат қилади

Қозоғистон делегацияси Париж Олимпиадасида 79 нафар спортчи билан 20 та спорт турида чиқиш қилади.

Қўшниларимизнинг таркибида 9 нафар маҳаллийлаштирилган спортчининг иштирок этиши кутилмоқда. Уларнинг аксарияти теннисчилар ҳисобланади.

Жумладан, теннисчилар — Елена Рибакина, Юлия Путинцева, Александр Бублик, Александр Шевченко ҳамда Александр Недовесов, шунингдек, триатлончи Екатерина Шабалина, курашчи Юсуп Батирмузаев Россиядан маҳаллийлаштирилган.

Енгил атлетикачилар Нора Жеруто ва Дейзи Жепкемей эса асли кениялик ҳисобланади.