Қозоғистон билан чегарадаги назорат-ўтказиш пунктларидан бири вақтинча ёпилди

Ўзбекистоннинг «С.Нажимов» ва Қозоғистоннинг «Қазиғурт» назорат ўтказиш пункти орқали фуқаролар ва транспорт воситалари ҳаракатланиши бир кунга ёпилди.

Жорий йил 6 октябрь соат 09:00 дан 7 октябр соат 09:00 га қадар “С. Наджимов” ва унга туташ “Қозиғурт” пункти (Қозоғистон) фуқаролар ва транспорт воситаларининг ўтиши учун ёпилди.

Вақтинчалик ёпилиш “Ўзтрансгаз” AЖ томонидан икки давлат ўтказиш пунктлари ўртасидан ўтувчи магистрал газ қувурида профилактика ишлари олиб борилиши сабабли назорат-ўтказиш пункти вақтинча ёпилди.

Ўзбекистон-Қозоғистон чегарасидаги бошқа назорат-ўтказиш пунктлари одатдагидек ишлашда давом етмоқда.