Бобоусмон Батуровнинг жанги бекор қилинди

Аввал хабар берганимиздек, 10 август куни Россия Федерациясининг Екатеринбург шаҳрида RCC профессионал бокс оқшоми ташкил этилади.

Кечанинг марказий жангида ҳамюртимиз Бобоусмон Батуров россиялик Максим Черничукка қарши рингга чиқиши зарур эди. Аммо Бобоусмон турнирда жанг қилмайдиган бўлди. Бунга нима сабаб бўлгани ҳозирча номаълум. Энди Черничук ҳамюрти Рамазан Алиматовга қарши рингга чиқади.

Маълумот учун, Бобоусмон Батуров ҳозирча проф боксда 4 маротаба рингга кўтарилган ва уларнинг 3 тасида ғолиб бўлган. 1 та жанг эса дуранг натижа билан якунланган.

Манба: Ўзбекистон профессионал бокс федерацияси матбуот хизмати