Green Card учун ариза топшириш бугун бошланади
АҚШ давлат департаменти Green Card лотереяси учун онлайн рўйхатдан ўтиш бошланиши ҳақида эълон берди.
Анкетани фақат www.dvprogram.state.gov веб-сайтида тўлдиришингиз керак. Рўйхатдан ўтиш даврида бир нечта ариза топширган шахслар дисквалификация қилинади.
Эслатиб ўтамиз, ариза шакли учун фотосуратлар ариза топширишдан олдин 6 ой ичида олиниши керак. Нотўғри тўлдирилган ёки ўтказиб юборилган маълумотлар дисквалификацияга олиб келиши мумкин.
Қабул қилинган ягона тасдиқлаш рақами сақланиши керак, чунки у билан фақат 2023 йил май ойида лотерея натижаларини билиш мумкин бўлади.
Юбориш бўйича кўрсатмаларни шу ерда топишингиз мумкин.