Том Круз Париждаги Олимпиаданинг ёпилиш маросимида иштирок этади

Актёр Халқаро олимпия қўмитасига (ХОҚ) Париждаги ўйинларни 2028-йилдаги Лос-Анжелесда бўлиб ўтадиган Олимпия ўйинлари билан боғлаш ғоясини таклиф қилди. Круз Олимпия байроғи билан Стад де Франц тепасидан тушиб келиши кутилмоқда.

Турли таблоидларнинг хабар беришича, март ойида Круз Лос-Анжелесдаги ўйинлар учун видеоклипда суратга тушган, фильмда унинг Олимпия байроғи билан Франциядан АҚШга саёҳат қилгани акс этган.

Видеоклип охирида у парашют билан «Hollywood» белгиси туширилган жойга қўнади. Видео актёрнинг Париждаги чиқишларидан кейин намойиш этилади.