Олимпиадада можарога аралашиб юрган спортчи медални кафолатлади

Олимпиадада гендер можаросига аралашган тайванлик боксчи Лин Ютинг 57 килограммгача вазн тоифасида ярим финалга чиқди ва Париждаги Олимпиада ўйинларида камида бронза медални кафолатлади.

Чорак финалда Ютинг болгариялик Светлана Каменова-Станевани мағлуб этди. Ярим финал ўйинлари 7 август куни бўлиб ўтади.

Аввалроқ, 3 август куни ҳам гендер можаросига аралашган жазоирлик Имон Хелиф 66 килограммгача вазн тоифасида ярим финалга чиққан эди.