Ҳасанбой Дўсматов ва Баҳодир Жалолов муддатидан олдин ҳарбий унвонлари кўтарилди

Дўсматов ва Жалоловга Миллий гвардия Қўмондони томонидан янги унвон топширилди.

Франциянинг Париж шаҳрида бўлиб ўтган ёзги Олимпиада ўйинларида бокс спорт тури бўйича иштирок этган ўзбекистонлик боксчилар Ҳасанбой Дўсматов ва Баҳодир Жалолов олтин медални қўлга киритишганидан барчанинг хабари бор.

Икки карра Олимпиада чемпиони номига сазовор бўлган Миллий гвардия ҳарбий хизматчилари Ҳасанбой Дўсматов ва Баҳодир Жалоловлар подполковник унвони билан тақдирланди.