Ўзбекистон ва Россия ТИВ раҳбарлари бир-бирларининг ички ишларига аралашмаслик муҳимлигини таъкидлашди

Ўзбекистон ТИВ раҳбари Бахтиёр Саидов россиялик ҳамкасби Сергей Лавров билан учрашди.

Ўзбекистон ТИВ раҳбари Бахтиёр Саидовнинг хабар қилишича, у Россия ТИВ раҳбари Сергей Лавров билан учрашиб, атрофлича суҳбат ўтказган.

«Анъанага кўра, ҳамкорлигимиз кун тартиби кенг бўлиб, барча соҳаларни қамраб олади. Ўзаро ишончни мустаҳкамлаш йўлида давлатлар бир-бирларининг ички ишларига аралашмаслик тамойилига амал қилиш муҳимлиги таъкидланди.

Биз иттифоқчилик руҳидаги доимий мулоқотимизни давом эттиришга келишиб олдик», — дея ёзади Саидов.