[ siyosat ] 5 Fevral 2025
Шарифбек Ҳасанов Чиқиндиларни бошқариш агентлиги директори бўлди
Шарифбек Ҳасанов 1990 йилда Бухоро вилоятида туғилган. 2013 йилда Буюк Британиянинг Cardiff Metropolitan университети (бакалавр), 2015 йилда Surrey университетини (магистратура) тамомлаган.
Тайинловга қадар у Ҳисоб палатаси, Вазирлар Маҳкамаси ҳамда турли давлат бошқарув органларида фаолият юритган.
Маълумот ўрнида, Чиқиндиларни бошқариш ва циркуляр иқтисодиётни ривожлантириш агентлиги президентнинг 2024 йил 26 сентябрдаги қарори асосида Экология вазирлиги ҳузурида ташкил қилинган.
Агентлик чиқиндини саралаш, қайта ишлаш натижасида энергия ресурслари, хомашё ва материалларни ишлаб чиқаришни йўлга қўйиш орқали циркуляр иқтисодиётни ривожлантириш чораларини татбиқ этишини ташкил этиш билан шуғулланади.