Маҳачев: «Усман Нурмагомедов UFC титули учун жанг қилишга тайёр»

Икки вазн тоифасида UFC чемпиони, россиялик Ислам Маҳачев ўзининг жамоадоши ва ҳамюрти Усман Нурмагомедов дунёнинг энг нуфузли ташкилоти титули учун курашишга тайёр деб ҳисоблайди.

«Усман жуда ёшлигидан бери биз билан шуғулланиб келмоқда. У бутун умри давомида мен, Ҳабиб ва бошқа жамоадошларимиз билан бирга машғулот ўтказмоқда. Мен унинг эртагаёқ титул ёки даъвогарлик унвони учун жанг қилишга тайёрлигига 100% аминман. Чунки унда яхши кураш, жуда ажойиб зарба бериш техникаси ва кучли грэпплинг бор. Менинг фикримча, Усман PFL’да ажойиб ишни амалга оширди ва у UFC’да ҳам ажойиб жанг кўрсатишга тайёр», — деди Маҳачев матбуот анжуманида.