Тошкент аэропортининг бизнес залида овқатланишни Pasternak ресторани амалга оширади

Пойтахт муассасаси тендерда ғолиб чиқди ва «Anor Business Lounge»да овқатланиш хизматларини кўрсатиш ҳуқуқини қўлга киритди.

«Uzbekistan Airports» бошқарув компанияси халқаро ва маҳаллий брендларни жалб қилиш орқали аэропортларнинг ноавиацион фаолиятини ривожлантириш сиёсатини танлади. Биз учун бизнес залда хизмат кўрсатиш учун шаҳарда кўрсатилаётган хизмат даражасини сақлаб қоладиган номдор ресторанни танлаш муҳим эди. Тендер натижаларига кўра, “Pasternak” ресторани ғолиб деб топилди« — деб хабар қилди »Uzbekistan Airports" матбуот хизмати.

Унга кўра, бизнес-зал жўнаб кетаётган ва транзит йўловчилар учун хизмат қилади. «Anor Business Lounge»да бўлиш нархи 350 000 сўм. Хизмат wi-fi тармоғидан фойдаланиш, душ ва алоҳида ҳожатхона, самолётга чиқиш учун индивидуал таклифнома, шунингдек, овқатланиш, алкоголли ва алкоголсиз ичимликларни ўз ичига олади.