Нуробод ва Пахтачи туманларининг ҳокимлари ўзгарди
Махсуд Эркинович Буранов Нуробод тумани ҳокими бўлди. У бунга қадар «Агробанк»нинг вилоят бошқармаси бошлиғи лавозимида фаолият кўрсатган.
Буранов янги лавозимда 2022 йилдан буён ишлаб келаётган Шерали Юлдашев ўрнини эгаллади.
Қаюм Норбекович Хушбақов эса Пахтачи тумани ҳокими этиб тайинланди. У бунга қадар вилоят ҳокимлиги ахборот-таҳлил гуруҳ раҳбари вазифасида ишлаган. Хушбақов мазкур лавозимда 2019 йилдан буён ишлаган Музаффар Ҳамдамов ўрнини эгаллади.
Аввалроқ Хуршид Назаров Самарқанднинг Жомбой туманига ҳоким бўлгани ҳақида хабар берилганди.