Уфук Улуташ Туркиянинг Ўзбекистондаги янги элчиси бўлди
Ташқи ишлар вазири Бахтиёр Саидов Туркиянинг Ўзбекистондаги янги тайинланган элчиси Уфук Улуташдан ишонч ёрлиқлари нусхаларини қабул қилди. Вазир бу ҳақда ўзининг Telegram каналида
маълум қилди.
Қайд этилишича, Ўзбекистон ва Туркия нафақат икки томонлама шерикчилик даражасида, балки минтақавий ҳамкорликни кенгайтиришда ҳам фаол давом этмоқда.
«Ишончимиз комилки, биргаликдаги саъй-ҳаракатларимиз ҳар икки мамлакат равнақи ва тараққиётига хизмат қилади. Жаноб элчини ушбу лавозимга тайинлангани билан самимий табриклаймиз ва дипломатик миссиясида муваффақиятлар тилаймиз», — деди ТИВ раҳбари.
Уфук Улуташ мазкур лавозимда 2021 йил мартдан бери ишлаб келган Олган Бекарнинг ўрнини эгаллади.
