Мирзаобод туманига янги ҳоким тайинланди

27 февраль куни халқ депутатлари туман кенгашининг навбатдан ташқари сессиясида Абдурахим Абдулхамидович Умаров Мирзаобод туманига ҳоким этиб тайинланди, деб хабар берди Сирдарё вилояти ҳокимлиги матбуот хизмати.

Абдурахим Умаров мазкур тайинловга қадар вилоят ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари — иқтисодиёт ва молия бош бошқармаси бошлиғи лавозимида фаолият юритган.

Туманни 2024 йил августидан бери бошқариб келаётган аввалги ҳоким Ориф Рахмонкулов бошқа ишга ўтиши сабабли лавозимидан озод этилди.