Тошкентдан Краснодарга мунтазам автобус қатновлари йўлга қўйилди

Қатновлар ҳафтанинг сешанба ва жума кунлари Yutong автобусларида амалга оширилади.

“Тошкент” автовокзалидан Краснодарга мунтазам автобус қатновлари йўлга қўйилди. Бу ҳақда Траспорт вазирлиги Матбуот хизмати хабар қилди

Мазкур йўналишда қатновлар “Uzautotrans service” корхонаси томонидан ҳафтанинг сешанба ва жума кунлари yutong автобусларида амалга оширилади.

Илк қатнов жорий йилнинг 8 апрель куни бажарилади. Автобус “Тошкент” автовокзалидан соат 20:00 да жўнаб кетади. Чипта нархи 900 минг сўм этиб белгиланган.

Чипталарни электрон шаклда avtoticket.uz сайти ҳамда “uzbus” мобил иловаси орқали, шунингдек, “Тошкент” автовокзали кассаларидан сотиб олиш мумкин.

Маълумот учун телефон: +998 71 207-87-00.