Фото: Ўзбекистон ва Мўғулистон раҳбарлари дарахт экиб, анъанавий мўғул беллашувларини томоша қилди

25 июнь куни Ўзбекистон президенти Шавкат Мирзиёев ва Мўғулистон президенти Ухнаагийн Хурэлсух ҳамда уларнинг турмуш ўртоқлари «Их Тэнгэр» давлат мажмуасидаги боғда дарахт экишди, деб хабар бермоқда давлат раҳбари матбуот хизмати.

«Маросим икки мамлакат халқлари ўртасидаги дўстлик тобора мустаҳкамланиб бораётгани, Ўзбекистон-Мўғулистон кенг қамровли шериклик муносабатларининг ривожланишида янги босқич бошланганининг рамзи бўлди», — дейилади хабарда.

Ташриф давомида олий мартабали меҳмонлар «Наадам» анъанавий мўғул беллашувларини томоша қилди.

Бир кун аввал президентлар ва биринчи хонимлар икки давлат санъат усталарининг қўшма концертида иштирок этганди.

Фото