Тошкентнинг 3 та туманида газ таъминоти вақтинча тўхтатилди

Бунга юқори босимли газ қувурига электрон ҳисоблагичларни ўрнатиш ишлари олиб борилиши сабаб бўлган.

Hududgaz Poytaxt Матбуот хизматининг хабарига кўра, 29 октябрь куни Янгиҳаёт тумани, «Янги Чоштепа» маҳалласи ҳудудидан ўтган юқори босимли газ қувурига электрон ҳисоблагичларни ўрнатиш ишлари олиб борилади. Шу сабабли 2022 йил 29 октябрь куни соат 10:00 дан 18:00 га қадар қуйидаги ҳудудларда вақтинча газ таъминоти тўхтатилади.

Янгиҳаёт тумани:

— «Янги Чоштепа» МФЙда;

— «Чоштепа» МФЙда

Сергели тумани:

— «Жунариқ» МФЙда.

Чилонзор тумани:

— «Бешқўрғон» МФЙда.

Шунингдек, Янгиҳаёт, Сергели, Чилонзор тумани, Тошкент ҳалқа автомобиль йўли кўчасида жойлашган юқори босимли газ қувурига уланган 25 та ишлаб чиқариш корхоналарида, жумладан, Автомобилларга газ тўлдириш компрессор шохобчаларида газ таъминоти вақтинчалик тўхтатилган.