Ўзбекистонда маҳкумлар интернетдан фойдаланиши мумкин бўлади — қонун лойиҳа

ЖИЭМларда маҳкумлар учун нотариат хизматларидан фойдаланиши учун алоҳида хона ажратилади. Мазкур хона интернетга уланган компьютер билан жиҳозланади.

Ўзбекистон ички ишлар вазирининг тегишли буйруғи билан ИИВ озодликдан маҳрум қилиш туридаги жазони ижро этиш муассасаларининг ички тартиб қоидаларига киритилаётган қўшимчалар киритиш бўйича қонун лойиҳаси ишлаб чиқилди.

Унга кўра, ЖИЭМларда сақланаётган маҳкумлар электрон давлат хизматлари, шу жумладан нотариат хизматларидан фойдаланиши учун ЖИЭМ маъмурияти томонидан алоҳида хона ажратилади. Мазкур хона веб-камера ҳамда Жаҳон ахборот интернет тармоғига уланган компьютер техникаси билан жиҳозланади.

Муҳокама 9 ноябрга қадар давом этади.