Wizz Air авиакомпанияси Абу-Дабидан Тошкентга қатновларни йўлга қўяди

Авиақатновлар 2023 йил 25 январдан бошланади ва ҳафтада уч марта амалга оширилади.

Венгриянинг Wizz Air авиакомпанияси Абу-Даби ва Тошкентни тўғридан-тўғри рейслар билан боғлайди. Бу ҳақда Uzbekistan Airports Матбуот хизмати хабар бермоқда.

Режалаштирилган биринчи йўловчи рейси 2023 йил 25 январга белгиланган. Парвозлар Airbus A320 ва А321 самолётларида ҳафтасига уч марта — душанба, чоршанба ва жума кунлари амалга оширилади.

Эслатиб ўтамиз, 13 декабрь кунидан бошлаб Wizz Air Самарқанд аэропортига ҳафтасига икки марта — сешанба ва шанба кунлари парвозларни йўлга қўйишни режалаштирган.