[ jamiyat ] 4 Noyabr 2022
Олий мажлис сенати сайтини бузганлар 14 ёшли болалар бўлиб чиқди
Хакерлар 6 кишидан иборат жамоа бўлган.
Маълум бўлишича, олти кишидан иборат бўлган Marsh Golden жамоаси 2018 йилдан бошлаб давлатнинг турли сайтларини бузиб кирган. Уларнинг бошлиғи 14 ёшли йигит бўлиб, жамоанинг қолган аъзолари ҳам унинг тенгдошлари.
Гуруҳ бошлиғининг биринчи иши 2019 йилда Kundalik.com сайтига кириб, мактабдаги баҳоларини тўғрилаб олиш бўлган. Унинг My5 каналига берган интервьюсида айтилишича, Сенат сайтини бузиб киришдан мақсад сайтнинг заифлигини кўрсатиб бериш бўлган. Шунингдек, у агар имконият берилса жамоаси билан давлат сайтларининг киберхавфсизлигига ҳисса қўшишга тайёрлигини билдирган.