Теннис. Денис Истомин Мексикадаги турнирни ғалаба билан бошлади

11 апрель куни Мексикада теннис бўйича “Чалленжер” таснифига кирувчи “Сан Луис Потоси” турнирига старт берилган эди. Ушбу турнирда мамлакатимизнинг биринчи рақамли теннисчиси Денис Истомин илк учрашувини ўтказди.

Истомин турнирнинг 1/16 финал босқичида бразилиялик Матеус Пучинелли де Алмейдани 6:7, 6:1, 6:3 ҳисобида мағлуб этди. Шу тариқа, ўзбекистонлик теннисчи турнирнинг 1/8 финалига йўл олди.

Денис Истоминнинг кейинги рақиби америкалик Эрнесто Эскобедо бўлади. Айни вақтда, Истомин АТП рейтингида 296, Эрнесто эса 143-ўринни эгаллаб турибди.

“Сан Луис Потоси” турнирининг ғолиби 17 апрель куни аниқланади.