Осиё чемпионатида курашчи қизимиз бронза медаль соҳиби бўлди

Мўғулистоннинг Улан-Батор шаҳрида спорт курашлари бўйича катталар ўртасида Осиё чемпионатининг бугунги дастурида беш нафар курашчи қизимиз медаллари учун баҳсларга киришишди.

Аёллар курашида айлана тизимда ўтган саралаш беллашувларидан сўнг 1 нафар спортчимиз совриндор бўлди. — 50 кг вазн тоифасида Жасмина Иммаева ҳиндистонлик Манишани 10:0 ҳисобида мағлубиятга учратиб, бронза медалига сазовор бўлди.

Мусобақада — 55 кг вазн тоифасида Сардиназ Жиенбаева, — 59 кг вазн тоифасида Дилфуза Аимбетова, — 68 кг вазн тоифасида Азода Эсбергенова ва — 76 кг вазн тоифасида Валентина Торениязова каби спортчиларимиз ҳам иштирок этишди. Бироқ спортчиларимиз мағлубиятга учраб, мусобақани эрта тарк этишди.

Манба: minsport.uz