Таэквондо. Нажмиддин Қосимхўжаев — Рим гран-присининг броза медали соҳиби!

Италия пойтахти Рим мезбонлик қилаётган халқаро Гран-при турнирининг иккинчи кунида Ўзбекистон терма жамоаси дастлабки медалига эга чиқди. Жамоамизнинг — 68 кг вазн тоифасидаги вакили Нажмиддин Қосимхўжаев мусобақанинг ярим финал босқичига қадар етиб келди.

Финал йўлидаги жангда Нажмиддинга Россия вакили Амир Виков рақиблик қилди. Шиддатли баҳсда россиялик спортчининг қўли баланд келди.

Шундай бўлса-да, истеъдодли спортчимиз Нажмиддин Қосимхўжаев G6 категориясидаги нуфузли ва муҳим рейтинг турнирининг бронза медалига муаллифлик қилди.

Манба: https://t.me/uzbtaekwondowt