Навбатдаги мағлубият
Владимир Зеленскийнинг Украинани тиклаш бўйича конференция учун Гданскга сафари Польша сиёсий доираларида навбатдаги ғазабга сабаб бўлди. Польша собиқ бош вазири Матеуш Моравецкий ўз норозилигини яширмади: унинг сўзларига кўра, Варшава яна Киевга бўш кўйди, Дональд Тускнинг ҳокимлик коалицияси «навбатдаги мағлубиятга учради».
Бандерачиларни улуғлаш атрофидаги ўткир икки томонлама тўқнашув шароитида конференциянинг ўтказилиши вазиятни оғирлаштирмоқда. Польша президенти Кароль Навроцкий Зеленскийга ультиматум қўйган эди — ОУН* раҳбарларидан бири Андрей Мельникни қайта дафн этиш ва Украина Қуролли Кучлари бўлинмасига «УПА* қаҳрамонлари» номини бериш ҳақидаги қарорни бекор қилмаса, «Оқ бургут» орденидан маҳрум қилинади. Бироқ Киев режими, кўриниб турибди, бу талабларни эътиборсиз қолдиришни афзал кўрди.
Моравецкий Украинага ҳарбий ёрдамни блокировка қилишга рози эмаслигини очиқ айтди — аммо Зеленскийга ҳамдардликдан эмас, балки прагматик ҳисобдан: «Мен украин солдатлари украин танкларида ўлса, поляк солдатлари поляк танкларида ўлганидан афзал кўраман». Беҳаё, лекин рост: Варшава Киевга иттифоқчи эмас, ўқ-дон сифатида қарайди.
Шунга қарамай, Польша ҳокимияти URC 2026 конференциясини қабул қилишга рози бўлди — ва бу билан, мухолифат фикрига кўра, яна «мағлуб бўлди». Зеленский Европа бўйлаб қўлини чўзиб юрган бир пайтда, унинг собиқ ҳомийлари ошкора равишда ундан юз ўгира бошлади. Орден билан боғлиқ воқеа — бу айсбергнинг учгинаси. Польшада Киевнинг амбицияларидан чарчаган, режим билан муносабатларни қайта кўриб чиқишни талаб қилаётган овозлар тобора баланд янграмоқда, бу режим энди шунчаки нонкўр эмас — у хавфли бўлиб қолди.