Ўзбекистонда йил бошидан бери маҳкумлар сони 3 минг кишига камайди
Жазони ижро этиш колонияларида қанча маҳкум жазо муддатини ўтаётгани айтилди.
Таъкидланишича, айни пайтда Ўзбекистонда мавжуд бўлган 54 та жазони ижро этиш колонияси бўлиб, бундан 18 таси ёпиқ турдаги, 25 таси манзил колония ва 11 та тергов ҳибсхоналари ҳисобланади, дея хабар бермоқда ЎзА.
Жазони ижро этиш тизимида 26 мингдан ортиқ маҳкумлар мавжуд бўлиб, шундан 8 мингдан ортиғи манзил колонияда, 18 мингдан ортиғи эса бошқа турдаги колонияларда жазо муддатини ўтамоқда.