Расман: Хитой мезбонлигидаги 2022 йилги Осиё ўйинлари қолдирилди

Хитойнинг Ханчжоу шаҳрида 2022 йил сентябрь ойида бўлиб ўтиши режалаштирилган Осиё ўйинлари 2023 йилга қолдирилди. Бу ҳақда Осиё Олимпия кенгаши ижроия қўмитасининг Тошкентдаги йиғилишида маълум қилинган.

2022 йилги Осиё ўйинлари 10 сентябрдан 25 сентябргача бўлиб ўтиши керак эди. Параосиё ўйинлари эса 9—15 октябрь кунларига мўлжалланганди.

Осиё ўйинларининг қолдирилишига сабаб қилиб, Хитойда пандемия билан боғлиқ вазият жиддийлашгани кўрсатилмоқда.

Аввалроқ ўзбекистонлик спортчилар 2022 йилги Осиё ва Параосиё ўйинларида совриндор бўлган тақдирда қанча пул мукофотига эга бўлиши маълум бўлганди.

Манба: daryo.uz