US Open турниридан сўнг Ўзбекистоннинг биринчи рақамли теннисчиси ўзгарди
Икки ҳафталик АҚШ очиқ чемпионатидан сўнг янгиланган рейтингда Ўзбекистоннинг биринчи рақамли аёл теннисчиси ўзгарди. US Open мусобақасида Камилла Раҳимовага бўшатиб берди.
Камилла US Open турнирининг 1/16 финал босқичига етиб борганидан сўнг ўн олти поғонага юқорилаб, 76-ўринга жойлашди. Мария Тимофеева эса, аксинча, 1 поғонага пастлаб, 87-ўринга тушиб қолди. Тимофеева АҚШ очиқ чемпионатида 1/32 финалда ўз иштирокини якунлади. Учинчи рақамли аёл теннисчи Полина Кудерметова айни пайтда рейтингнинг 103-поғонасини эгаллаб турибди.
Тўртинчи рақамли ўзбекистонлик теннисчи Лаима Владсон 12 ва Севил Юлдашева 1 поғона кўтарилди. Милана Масленкова 81, Влада Якшибарова эса 43 поғона пастлади. Даря Шубина ўтган ҳафтадаги ўрнидан 59-поғона юқорилади.
Ўзбекистонлик теннисчиларнинг WТА рейтингидаги ўрни:
76 (92). Камилла Раҳимова — 912 очко
87 (86). Мария Тимофеева — 873 очко
103 (97). Полина Кудерметова — 728 очко
570 (582). Лаима Владсон — 84 очко
964 (965). Севил Юлдашева — 26 очко
1238 (1157). Милана Масленкова — 10 очко
1460 (1417). Влада Якшибарова — 4 очко
1467 (1526). Даря Шубина — 4 очко.
Дунё теннисчиларининг топ — 10 рейтингида ўзгаришлар юз берди. 2024-йилдан буён Жаҳоннинг биринчи рақамли теннисчиси мақомида бўлган Арина Сабаленка ўз ўрнини US Open турнирида ғолиб бўлган қозоғистонлик Елена Рибакинага бўшатиб берди. Шунингдек, украиналик ракетка устаси Элина Свитолина 2 поғона юқорилаб, 6-ўриндан жой олди.
WТА рейтинги. 14-сентябрь ҳолатига кўра:
(2) Елена Рибакина (Қозоғистон) — 9901 очко
(1) Арина Сабаленка (Беларус) — 7875 очко
(3) Жессика Пегула (АҚШ) — 7265 очко
(4) Коко Гофф (АҚШ) — 7244 очко
(5) Мирра Андреева (Россия) — 5743 очко
(6) Линда Носкова (Чехия) — 5328 очко
(9) Элина Свитолина (Украина) — 4809 очко
(7) Каролина Мухова (Чехия) — 4683 очко
(8) Ига Швёнтек (Полша) — 4619 очко
(11) Марта Костюк (Украина) — 3980 очко.
Маълумот учун, АҚШ очиқ чемпионатида Мария Тимофеева 1/64 финалида белгиялик Элисе Мертенсга 2:6, 6:7 ҳисобида имкониятни берган бўлса, Камилла Раҳимова 1/32 финалида дунёнинг иккинчи рақамли ракетка устаси, беларуслик Арина Сабаленкага 3:6, 4:6 ҳисобида мағлубиятга учраб, мусобақани тарк этишган эди.