Ислам Махачев: «Доғистонликларга бироз шароит ва имконият беринг, биз ҳар қандай соҳада ўзимизни кўрсатамиз»
«Мен доим айтаман: доғистонликларга бироз шароит ва имконият беринг, биз ҳар қандай соҳада ўзимизни кўрсатамиз. Грэпплинг мамлакатимиз учун нисбатан ёш спорт тури, аммо бизда аллақачон ADCC янги жаҳон чемпиони бор. Менимча, бу улкан натижа ва катта ютуқ!
Муҳаммад ва унинг бутун жамоасини бу ғалаба билан табриклайман! Шу руҳда давом эт. Иштиёқинг ва меҳнатсеварлигинг билан ёш курашчилар учун катта намуна ва мотивация бўлишингга ишонаман», — деб ёзди Махачев.
Жарбаев ADCCда олтин медаль қўлга киритган Россиянинг иккинчи вакили бўлди. Биринчи бўлиб 1999 йилда Каримула Баркалаев чемпионлик унвонини қўлга киритган.