Uzbekistan Airways талабалар учун 50 фоиз чегирма эълон қилди

Чегирмалар 22 декабрдан 10 январгача амалга ошириладиган маҳаллий эконом-класс рейслар учун амал қилади.

Uzbekistan Airways қишки таътил олдидан талабалар учун чегирма эълон қилади. Бу ҳақда компания ахборот хизмати хабар берди.

Авиакомпания фақат талабалар учун 22 декабрдан 10 январгача амалга ошириладиган маҳаллий авиақатновларга эконом-класс учун 50 фоиз чегирма эълон қилди.

Бунинг учун Uzbekistan Airways Sales филиалига ёки ҳудуддаги аэропорт авиакассасига келиб, талабалик гувоҳномаси, ўқиш жойидан маълумотнома ва паспорт ёки ID-картани тақдим этиш керак бўлади.