Тошкентда ер усти метро бекатларидан бири деярли икки ҳафтага ёпилади
Бекат реконструкция ишлари туфайли ёпилади.
Вазирлар Маҳкамасининг 2021 йил 12 июлдаги 387-Ф сонли фармойиши талабларини бажарилишини таъминлаш мақсадида Тошкент шаҳри Фарғона йўли кўчасидан “Қўйлиқ” деҳқон бозори томон қурилаётган йўл ўтказгичининг метрополитен «Ер усти ҳалқа йўли» йўналиши 6 ва 7-бекатлари оралиғи ер устки қисмида қолип конструкцияларини демонтаж ва монтаж ишлари амалга оширилиши муносабати билан 7-бекат 2022 йил 21 ноябрь кунидан 6 декабрь кунига қадар ўз йўловчиларига вақтинча хизмат кўрсатмайди, дея
хабар бермоқда Тошкент метрополитени ДУК матбуот хизмати.
Аниқланишича, «Ер усти ҳалқа йўли» йўналишида поездлар ҳаракати «Дўстлик — 2» бекати билан 6-бекат оралиғида ташкил этилади.
Шунингдек, йўловчилар учун 6 ва 7-бекат оралиғида автобус ҳаракати йўлга қўйилади. Келтирилган ноқулайликлар учун узр сўраймиз, дейилади хабарда.
