Осиё ўйинлари: Ўзбекистон ҳисобига яна бир олтин
Енгил атлетиканинг босқон улоқтириш баҳсларида иштирок этган Суҳроб Ходжаев ҳал қилувчи уринишларда рақибларидан устун келди. Ҳамюртимиз 74,38 метрлик натижа қайд этиб, мусобақада биринчи ўринни эгаллади.
Шу тариқа, Суҳроб Ходжаев шоҳсупанинг энг юқори поғонасига кўтарилиб, Ўзбекистон ҳисобига навбатдаги олтин медални қўшди.
Эътиборлиси, бу Ходжаевнинг Осиё ўйинларидаги учинчи иштироки бўлди. У аввалги икки уринишидан сўнг бу сафар илк бор мусобақа чемпиони деган номга сазовор бўлди.
Манба: www.stadion.uz.