Осиё ўйинлари: Жанубий Корея Вьетнамни тор-мор этди

Осиё ўйинларининг футбол бўйича чорак финал босқичида Жанубий Корея U — 23 терма жамоаси Вьетнамни 4:0 ҳисобида мағлуб этиб, ярим финалга йўл олди.

Учрашувда ҳисоб 15-дақиқада очилди. Ли Хён Жунинг узатмасидан кейин Ли Ён Жун рақиб дарвозасини ишғол қилди — 1:0.

Иккинчи бўлимнинг сўнгги қисмида кореяликлар устунликни янада оширди. 77-дақиқада Ким Жи Су иккинчи голни киритган бўлса, 81-дақиқада Ли Ён Жун дубль қайд этди. 88-дақиқада Ким Мён Жун учрашувдаги сўнгги голни урди — 4:0.

Ярим финалда кореяликлар Хитой — Тайланд жуфтлиги ғолибига қарши майдонга тушади.

Осиё ўйинлари. Чорак финал

Жанубий Корея — Вьетнам — 4:0

Голлар: Ли Ён Жун, 15 — 1:0; Ким Жи Су, 77 — 2:0; Ли Ён Жун, 81 — 3:0; Ким Мён Жун, 88 — 4:0.

Манба: www.stadion.uz.