Ўзбекистонда киберспорт бўйича бакалавриат таълим йўналишини очилади
Киберспорт расман алоҳида спорт тури сифатида эътироф этиладиган бўлди. Бу бўйича президентнинг тегишли қарори қабул қилинди.
Қарорга кўра, Ўзбекистонда киберспорт расман алоҳида спорт тури сифатида эътироф этиладиган бўлди. Шунингдек, қуйидагилар киберспорт турларини ривожлантиришнинг асосий йўналишлари этиб белгиланди:
• киберспорт турлари бўйича профессионал спортчилар (киберспортчилар) ва тренерлар, малакали ҳакамлар ва шарҳловчилар ҳамда бошқа мутахассисларни тайёрлаш, қайта тайёрлаш тизимини жорий қилиш;
• киберспорт турлари бўйича республика ва халқаро чемпионатлар ва турнирлар ташкил этиш, шунингдек, нуфузли халқаро ва минтақавий мусобақаларда муносиб иштирок этиш;
• киберспорт турлари бўйича илмий ва ўқув-услубий қўлланмалар ва адабиётлар ишлаб чиқиш ҳамда нашр этиш;
• киберспорт инфратузилмасини янада ривожлантириш ва кенгайтириш, соҳага тўғридан-тўғри инвестициялар жалб қилишни рағбатлантириш;
• киберспорт турларига нисбатан ижобий жамоатчилик фикрини шакллантириш, оммавий ахборот воситалари ва ижтимоий тармоқларда кенг тарғибот-ташвиқот ишларини олиб бориш.
Шунингек, ҳар йили апрель ойида “Uzbekistan Esports Championship” республика чемпионати;
• ҳар йили декабрь ойида “Ўзбекистон Республикаси Вазирлар Маҳкамаси кубоги” турнири;
• ҳар йили июнь ойида “Ёшлар кубоги” турнири ўтказилади.
Қайд этилишича, Ўзбекистон давлат жисмоний тарбия ва спорт университетида 2023/2024 ўқув йилидан бошлаб “Спорт фаолияти:
киберспорт” бакалавриат таълим йўналишини очиш ҳамда ушбу йўналиш бўйича ўқиш муддатини 3 йил этиб белгиланди.
Uzbekistan Esports Championship” республика чемпионатида ғолиб бўлган киберспортчилар “Спорт фаолияти: киберспорт” бакалавриат таълим йўналишига касбий (ижодий) имтиҳонларни топширишдан озод қилиш ва уларга максимал балл берилади.