Усман Нурмагомедов: «UFC менга дарҳол Царукян билан жанг бериши мумкин. Бу харидоргир жанг»

PFL чемпиони Усман Нурмагомедов UFC’га ўтган тақдирда, промоушен унга дарҳол Арман Царукян билан жанг бериши мумкинлигини айтди.

«UFC дарҳол Царукян билан жанг бериши мумкин. Арман ким билан жанг қилиши керак? UFC’да у учун ким бор? Пимблеттми? Йўқ. Топуриями? Агар Илиянинг ғалабасига ақалли 30% ишончлари бўлганида, аллақачон унга Топурия билан жанг беришган бўларди. Лекин Топурия олтин тухум қўймоқда. Пимблетт ҳам уларнинг эркатойи, гарчи Геджи унинг юзини «пардозлаб» қўйган бўлса-да. Усман Нурмагомедов ҳар қандай рақибга қарши – бу яхши жанг», – деди Усман.

31 июль куни Нурмагомедов PFL турнирида Арчи Колганни нокаутга учратди ва промоушен билан амалдаги шартномасини якунлади.