UFC янги рейтингни эълон қилди: Рамазон Темиров нечанчи ўринда?

UFC 24 октябрь куни Абу Дабида ўтказилган турнирдан кейин янги рейтингни эълон қилди. Унга кўра, ўзбекистонлик жангчи Рамазон Темиров энг енгил вазн тоифасида 3 ўрин пастлаб, 10-поғонадан жой олди.

Абу Даби шаҳрида ўтказилган UFC 333 турнирида ўзбекистонлик аралаш яккакураш устаси Буюк Британия вакили Лонер Каванага қарши октагонга кўтарилиб, мағлубиятга учраганди.

Эътиборли жиҳати, ушбу тўқнашувдан аввал ҳар икки жангчи UFC рейтингида ёнма-ён бораётган эди: Рамазон Темиров 7-ўринни, Лонер Кавана эса 6-поғонани банд этиб турганди. Янгиланган рейтингда Лонер Кавана 5-ўринга кўтарилиб олди.

Энг енгил вазн тоифасидаги рейтингни португалиялик Манел Кейпе бошқармоқда.

Манба: daryo.uz