Ўзбекистон ва Қозоғистон чегарасида юк машиналари учун навбатни брон қилиш пуллик бўлади
9 ноябрдан бошлаб Қозоғистон—Ўзбекистон чегарасидаги юк машиналари учун электрон навбатни брон қилишда кафолат бадали жорий этилади. Бу қоида «Қазиғурт», «Б. Қонисбаев» ва «Атамекен» назорат—ўтказиш пунктларида амал қилади.
Бадал суммаси 86 500 тенгени (тахминан 2,3 млн сўм) ташкил этади. Агар ташувчи назорат-ўтказиш пунктига ўз вақтида етиб келса, пул тўлиқ ҳажмда қайтариб берилади. Мабодо ҳайдовчи 90 кун ичида ўз навбатини икки марта ўтказиб юборса, ушбу сумма бюджет фойдасига ушлаб қолинади.