Муроджон Аҳмадалиевнинг эрта тонгдаги жанги «Спорт» каналида эфирга узатилади

Профессионал бокс бўйича иккинчи ярим енгил вазн ( — 55,34 кг) тоифасида WBA ва IBF камарлари соҳиби Муроджон Аҳмадалиев (10-0, 7 КО) 26 июнь тонгида АҚШда навбатдаги жангини ўтказади.

Matchroom томонидан ўтказилаётган мусобақада ўзбекистонлик боксчига америкалик Ронни Риос (33-3-0, 16 КО) рақиблик қилади. Жанг тахминан 26 июнь тонги соат 05:00 дан кейин бошланади.

Ушбу жанг «Спорт» телеканали орқали жонли эфирда трансляция қилинади.

Манба: stadion.uz