"Ҳудудгазтаъминот"нинг Тошкент вилояти филиали директори қамоққа олинди

Энергия ресурслари билан таъминлаш соҳасида қонунбузилишига йўл қўйилгани учун Музаффар Алиевга нисбатан жиноят иши очилган ҳамда қамоққа олинган.

Сардор Умурзоқов раҳбарлигида ўтказилган йиғилишда энергия ресурслари билан таъминлаш соҳасида аниқланган қонунбузилиш ҳолатлари юзасидан Бош прокурор Ниғматилла Йўлдашев айрим маълумотларни очиқлади.

Бош прокурорнинг маълум қилишича, «Ҳудудгазтаъминот» АЖнинг Тошкент вилояти бўйича таркибий бўлинмаси бўлган «Ҳудудгаз Тошкент» филиали директори Музаффар Алиевга нисбатан жиноят иши очилган ҳамда эҳтиёт чораси сифатида қамоққа олинган.

Эслатиб ўтамиз, аввалроқ, Тошкент вилоятида ғишт заводи газдан ноқонуний фойдаланаётгани аниқлангани ҳақида хабар бергандик.