Спорт гимнастикачиларимиз Чусовитинасиз жаҳон чемпионатига йўл олишди

29 октябрь – 6 ноябрь кунлари Англиянинг Ливерпуль шаҳрида спорт гимнастикаси бўйича жаҳон чемпионати бўлиб ўтади. Унда жамоавий йўналишда Париж — 2024 Олимпиадаси учун йўлланмалар ўйналади. Бўлажак дунё биринчилигида иштирок этадиган Ўзбекистон терма жамоаси бугун «Туманли Албион»га жўнаб кетди.

Маълум қилганимиздек, жамоа Грузиянинг Тбилиси шаҳрида сўнгги ўқув-машғулот йиғинини олиб боргач ушбу шаҳардан Ливерпулга йўл олди. Аҳамиятлиси, таркибда тажрибали Оксана Чусовитина йўқ. Дунё биринчилигида қатнашадиган таркиб қуйидагича:

Расулжон Абдураҳимов
Абдулла Азимов
Ўткирбек Жўраев
Ҳабибулло Эргашев
Дилдора Орипова
Оминахон Халилова

Манба: olympic.uz